5.mars

Ég man eftir því að hafa setið í stofunni hjá ömmu og afa, var að gista hjá henni eins og ég gerði frekar oft á þessum tíma þar sem mér leið best hjá ömmu og afa, þetta var rosalega erfiður tími í mínu lífi og fáir dagar sem ég man eftir að hafa verið sérstaklega ánægjulegir en sumir dagar voru erfiðari en aðrir og þá fannst mér best að geta eytt helginni í rólegheitunum í hafnarfirði

Jæja, ég sat þarna, með gítarinn minn rétt hjá mér en vildi ekki spila þar sem ég var pirruð á því að ná ekki að spila jafnvel þegar mér leið illa...

Sigrún, systir ömmu kom í kaffi eins og hún gerði oft þegar ég var þarna og Ármann kom með, þau heilsuðu og ég heilsaði auðvitað líka, enda ekki dónaleg þrátt fyrir vanlíðan og þunglyndi
En hann hefur greinilega séð að mér leið ekki vel því í stað þess að fara með þeim kom hann frekar og talaði aðeins við mig, spurði hvað væri að og sagði að þetta yrði nú allt í lagi og lét mér líða alveg ótrúlega vel, sem var nú ekki auðveldur hlutur á þessum tíma.

Þetta er aðeins ein minning af mörgum þar sem hann hefur stoppað og sagt eitthvað fallegt, eitthvað sem fékk mig til að brosa eða finna fyrir vellíðan innst inni þegar ég þurfti á því að halda og hans orð hafa komið mér í gegnum erfiða daga

Ég þekkti hann kannski ekkert alveg rosalega vel en ég tel mig vera alveg einstaklega heppna að hafa  þekkt hann eitthvað, honum verður ekki gleymt og þó hann sé farinn er hann ekki farinn langt því hann mun ávallt lifa í hjörtum okkar allra  

Athugasemdir

[Fanney Eva (IP-tala skráð) 5.3.2013 kl. 21:43]

Fallegur texti hjá þér

[Ólafur (IP-tala skráð) 20.3.2013 kl. 22:19]

Já fallegur texti Sandra.